கதிரவன் எரிந்து மறையும் நாளில்…!

 

 Thanks :     Dinakaran  for published through  the

                      Tamil Daily E-Mail News, 31.3.2012

கதிரவன்  எரிந்து, கருகிச் சுருங்கி, மறையும் நாளில், மதியொளி இழக்கும்! தூசிப் படலம், வானில் பரவும்; இரவும் பகலும், இல்லா(து) இருளும்! கடலலை நிற்கும்; கடுங்குளிர் பிறக்கும்; பூமிப் பரப்பை, பெரும்பனி மூடும்! பனிப்பொடி உள்ளே,           மானுடம் உறையும்; கனிக்கொடி செடிமரம்,                    கருகிப் புதையும்! கற்களில் செதுக்கிய, கலை ஆலையங்கள், உலோகச் சிலைகள்... சிதையா(து) அமிழும்!

வேறொரு கிரக மானுடம் அனுப்பிய பறக்கும் தட்டு பூமியைச் சுற்றும்! புவனம் முழுமையும், புகைப்படம் எடுக்கும்; அவனி மண்ணை, ஆய்வும் செய்யும்! உயிர்கள் வாழும்... பதத்தில் அகிலம், துயில்வதை உணர்ந்து, உள்ளம் உவந்து! செத்த ஆதவனை, ஆய்வறி வாலே,    உயிர்பெறச் செய்யும் ஒளிவெப்பம் தெரிக்கும்! பார்-எங்கும் படிந்த, பனித்தளம் உருகும்; கொடிசெடி மரங்கள், மெதுவாய் தளிரும்!               மானுடம் மீண்டும்...                பலமதம் படைத்து,               மொழிஇனம் பிரித்து,               மோதல்கள் செய்து,               மடிந்திட உயிர்க்கும்!   !